占领机场有感

来源:HKG報    作者:嘉偉    人气:    发布时间:2016-04-21    

xgjc.webp.jpg

特首梁振英女儿梁颂昕遗留行李事件持续发酵,空勤人员总工会星期日以维护航空安全为理由,发起占领机场。小弟当时因为工作需要,喺现场直击整个过程,心中感叹:点解香港人咁蠢?

呢单嘢由烂果报引起,仲以头版报道,声称CY透过电话向机场人员施压,「叫我梁特首」,要求有关人士立即送回颂昕遗留嘅行李。但事後民航处及机管局已经证实绝无其事,而且航空公司相关文件亦已经还CY清白,但一众反对派政棍为咗喺九月嘅立法会选举谋取选票,小事化大,咄咄逼人,又话要运用特权法调查云云。前日更空群而出集体抽水,将机场变成政治舞台,简直不知所谓,空勤人员总工会更以外行人骑劫内行人,所有地勤及保安人员全部缺席,究竟当中有几多人真系熟悉有关程序?不言而喻啦!

烂果老作新闻臭名远播

喺集会开始前,小弟嘅朋友到场抗议班垃圾破坏机场秩序,影响香港形象,但惨遭对方围攻。小弟因碍於身份有别,不便相助,但由此可见,所谓嘅言论自由唯独反对派拥有,有佢讲冇你讲,又不断讲粗口,质素之低,可见一斑!

其实遗留行李根本系好小事,莫讲话喺香港,就算喺其他国家或地区都时有发生。但因为今次事件嘅主角系特首之女,为咗拉CY下马,不断疯狂狙击。即使当局同CY本人已经公开解释清楚,仍然咬住唔放,不将CY踢走誓不罢休。小弟想讲,烂果一篇毫无事实根据嘅所谓报道,点解你哋选择相信?有留意香港传媒嘅市民都知道,烂果老作新闻已经臭名远播,街知巷闻,点解唔细心分析就一口咬定CY滥权?烂果凭空想像,并冇提供实质证据证明CY向机场人员施压,已经构成诽谤,点解你哋唔追问烂果嘅消息来源?

为何就唔话肥彭滥权?

仲有,小弟想反问,黄毓民坐头等车位唔畀钱仲声大夹恶,表示自己系议员,一句话赶住去做节目就大晒唔使守规矩?呢啲唔系叫滥权系乜?点解你哋唔谴责?末代港督彭定康在任期间,唔见咗只狗,劳师动众叫警察帮佢搵狗,点解你哋好似哑咗咁唔出声话肥彭滥权、浪费警力?净系针对CY,佢好恰啲?唔系双重标准系乜?呢四年嚟,你哋班垃圾不断无事生非,制造事端攻击CY,连佢嘅家人都唔放过,对佢公平吗?

香港已经因为违法占中同旺角暴乱搞到经济衰退,吉舖同裁员潮涌现,陷入水深火热之中,依家为咗拉CY下台,玩埋占领机场,扰乱机场正常运作,沦为国际大笑话,出丑於人前,难怪连旅游业都不能幸免,齐齐揽炒,香港人何时才醒觉?

小弟身为土生土长嘅香港人,眼见香港畀一班垃圾破坏,不能坐视不理。我希望沉默嘅大多数打破沉默,勇敢站出来,向暴徒说不!


责任编辑:墨泉
相关链接: 中华新闻通讯社 星岛日报 文汇报 大公报 新世纪艺术 中华摄影报 中时网 中华新闻网

Copyright © 2002-2017 中华时报传媒集团 版权所有 记者查询  关于我们  手机版本 技术支持:海南布谷

快捷评论
×关闭