雷晴雯無膽體能測試 脊椎唔爭氣得個恨字

2018年05月14日 16:26 来源:中华时报 阅读量:6389 作者:peter 参与互动


  日前雷晴雯 Winnie與吳國敬、梁珈詠、艾威、林敬剛、 李霖恩等一眾藝人齊齊於深圳擔任艾博健身中心的開幕剪綵嘉賓, 更即席參與運動體能測試,昔日於電波少女體能大激鬥中脫穎而出, 體格最 Fit 成績最標青的 Winnie 不諱言,這次只能在旁觀戰不能「落場」難心裡的確覺得非常遺憾: 「其實我由細到大都玩開田徑,受傷前一直都有 Keep 住跑步同做 Exercise,但脊椎重創之後身體狀況只可以用一個「差」 字嚟形容,食少一晚止痛藥都瞓唔到,呢排日日落雨就更痛,止痛藥 已經食 Double 都無乜用,仲點敢『落場』同條脊椎過唔去吖!」

  Winnie 坦言老友林敬剛與師妹梁珈詠曾 (大頭妹) 曾不斷慫恿遊說她不妨當遊戲玩玩, Winnie 當時亦的確心郁郁蠢蠢欲試:「啲測試同當年嘅『體能大激鬥』 都真係有啲似,所以好輕易就勾返起我份田徑癮,本來都諗住玩下無 妨,但最近常落雨脊椎情況特別差, 只不過試做咗幾下基本熱身動作脊椎就已經又開始痛, 唯有死死地氣打消念頭企埋一邊做觀眾囉, 其實都真係有少少唔開心架。」 Winnie 透露多位醫生都曾斷言「俾到盡」她也只能康復八成, 但在圈中公認名符其實「女硬漢」的她素來堅強硬頸不服輸, Winnie 相信在她的努力下,終有一天會如她的芭蕾舞般回到田徑場上去。


 


责任编辑:宇

>网友评论:

所有评论仅代表网友观点,中华时报中文网保持中立

用户名: 密 码:  

www.cvoices.cn 版权所有@中华时报传媒集团 粤ICP备17054268号-5 责任声明 联系我们 记者查询
大陆热线:18903072514 香港热线:+852 56648468  投稿邮箱:nsj168@yeah.net 投诉邮箱:hkctct@gmail.com